郭博士有獎問答遊戲

Quattro

郭博士有獎問答遊戲：大家網友可嘗試分析在最近免費電視牌照申請事件中，王維基的對家幕後高手是如何佈局，使得王先生在投牌一役中死得不明不白。答得好有獎。

GINA

極不喜歡魔童的北大爺爺, 透過他遠在外出差的子女, 告訴他, 做人要低調點, 可以的話, 學公務員, 少做少鍇, 最好不做不錯!

Hanford

騙局是如何煉成的?（估計）
一．百科先生在電訊業的投資令北京派人統戰他，先醒了一個政協他做，讓他放鬆防備，北京派這個人應比西環的官員高級，令他有直達天庭之感覺．因為共產黨最怕信唔過的人，他過去做生意的手法和其組織能力為共產黨忌憚．
二．北京知道他冇錢同時搞電訊又搞電視，就跟他說中央全力支持他搞電視，可以安排他入吔蕉電視做ＣＥＯ睇清盤數，條件是只能拍劇，唔准做新聞，新聞要播中央台的，接頭人亦派了香港電話的舊臣入吔蕉電視監視百科先生和拉其後腿
三．吔蕉電視根本是爛攤子，百科先生是醒目仔，勢色不對及買吔蕉電視根本冇利可圖，辭職走人
四．接頭人派了香港政府官員，說百科先生不如搞新台，口頭承諾入紙實批，條件是要先做出”成績”，並批地給他．
五．百科先生同接頭人confirm一切是上面安排，就踏上不歸路

Alexng

以下只是個人簡單猜測分析:
共產黨黨性係左手信唔過右手:
所以幕後高人先佈局安排做了政協既王先生做亞視ceo幫亞視轉虧為盈和試試他的衷誠度和能力,但王先生好高調話係唔會做中央台,王先生好明顯係一個唔"聽話"的人.所以令幕後高人在短短十幾天要他離開亞視!
之後幕後高人就利用港府官員主動聯絡王先生,話非常支持王先生申辦免費電視和得到中央的祝福等等......!為了令王先生加快投資和相信,港府亦很快批地俾王先生建立他的電視王國,叫王先生放心去馬,而王先生認為十拿九穩,當然欣喜惹狂地賣了香港寬頻全力大搞電視台,在燈下黑,自以為是和雄心萬杖的情況下,大洒金錢吸納人材;高薪挖角搶人飯碗,高調批評其他對手(得罪了人都唔知)和批評政府遲遲不發牌,但王先生已經不知不覺間已跌了一個局裡面!幕後高人要王先生不斷投資,在騎虎難下的情況下唯有不停等待,而上屆政府遲遲不發牌係要等待指示(連上屆政府都唔知被利用),直到新一屆政府成立,因為要等待"聽話"的人上場!最近"聽話"的人終於得到幕後高人指示,公開宣佈原則性發牌俾其他兩間公司,偏偏唔發牌俾王先生!王先生現在也可能未知什麼原因死得不明不白!!

lwkit418

估計背後高手係李氐
王維基野心大，不甘心做第二，一直想做第一，係佢搞hkbn果陣，同pccw 打價格戰，搞到pccw既盈利大大分薄，李氐係電訊業已輸了一仗，雙方已為敵人，如果再比佢係電視業大展拳腳，後果會比佢一台獨大，tvb遲早會變第2個亞視，對佢李氐既商業王國有大打擊。當時，行會成員大部分人係李氐心腹，官員傾向支持發牌，叫佢投資牌照係電視業，好快會取代tvb成香港第一台，佢見咁多官員支持佢，覺得無風險而一定有賺，口頭應承會斥資投免費電視牌，政府亦好快批一塊福地比佢消錢，一石3烏之計，賣hkbn集資，變左失業、係電訊業小左個對手、又可以令佢自我感覺良好而又無形中消錢、tvb可以繼續稱霸。但佢無諗過，2012年政府換屆後並無按照口頭協議盡快比牌佢，加上行會換人，李氐係行會影響力大大減低，加上atv同tvb司法覆核提出上訴比政府壓力，令到政府相信電視業4個牌就夠及電視台東主同政府立場背道而馳，令政府行政上更因難，咁之後就順理成章將責任推比政府。

教父

心水清的博士FANS, 就知道這個CASE是似曾相識出現過, 現在再幫大家重溫:

1. 廚房佬口頭上, 得罪了MORGAN STANLEY的財務顧問, 他幕後老闆原來是科威特的王子, 那王子替他不值, 故意設局, 把他的股票打起, 等廚房佬落搭, 再一舖過害他幾乎破產

2. 王維基的情況亦一樣, 得罪了影城大亨六叔, 他的人馬設局, 包括政府以前的高官, 設局騙他, 先批地給他起廠房, 後期等他制作了幾百小時的節目後, 再反口, 因他高調地高薪拉走TVB的人, 間接要令TVB高薪勉留人才, 破壞了潛藏的規則

這令我明白, 往往設局也要幾年的長時間部處, 才可令對手一下子收工, 如果當初一開始就否決王維基都冇咁傷


到現在王先生都唔知做乜事得罪了邊個咁大獲, 因為六叔六嬸仲生歐歐係度

正如廚房佬現在都唔知得罪了科威特王子咁嚴重

各位都唔使想到咁遠. 想到中央政府, 什麼共產黨派別, 得罪了香港的一個人已經冇運行

Alexng

應該重有好鬼多版本，要慢慢欣賞啊!

alexwush

邵老大年過百歲都冇咁好氣對冧王維基，利用咁多人物關係，反而我覺得中共一直都信唔過無線嘅政治立場，想邵老大賣盤好奈，但遲遲末能成事，於是中共諗到條好計叫廣管局先制造輿論話無線一台獨大亞視重播又重播，然後引入發新電視牌嘅idea，迫邵老大就犯，另一邊廂，中共又要栽培一個有實力嘅競爭對手等邵老大覺得真係威脅到佢，而王維基就真係以為有筍嘢勞，又通水又批地，以為坐定粒六，點知係倍跑，邵老六交出股權中共已成功，王只係犠牲品，就變成今日嘅局面

陳柱民

幾個棚喺度內鬥，魔童做咗磨心～

弟子

事於至此，我想問即使俾你知佐實情又如何呢？幫到自己幫到人地咩？至于通過呢件事可以證明觀察力去到邊個層次就更加傻，因为觀察力嘅髙低係要有一套程式訓練。如果係我就寜願將精神用係念祝福文同行步行禪上，至起碼有益！
順便講吓我無意間發現我行完步行襌去飲酒可以增強飲酒嘅魄力，我啲朋友都講我飲酒勁咗好多。仲有我懷疑步行襌可以醫女人啲月經不調之類嘅病，原因唔講啦，縂之合理嘅懷疑。
第二，我念咗祝福文后個人嘅反應力快咗，思維組織能力濶咗。唔使好似以前咁要博命想。仲有果個靈感俾以前多咗，都㡬靈時有時無，控制唔到。