20180707那些年第卅一集之千門燕子

容燥兒

在 YouTube 上觀看「那些年 180707 ep31 p1 of 3 千門燕子」
https://youtu.be/DvrIf_DLhlE

在 YouTube 上觀看「那些年 180707 ep31 p2 of 3 千門燕子」
https://youtu.be/sNZAZVH4Jg0

在 YouTube 上觀看「那些年 180707 ep31 p3 of 3 千門燕子」
https://youtu.be/NZ8Xv5ETuNE

容燥兒

剛剛先聽完那些年,今集首先估唔到郭博士會講。其實斷斷續續聽,係頭先先可以一氣呵成聽哂。

最深印象係郭博士講唔明最近,有個公屋富婆,點解連面都未見過,就比咗幾千定幾百萬出嚟,呢個疑點好大。正常推論下,人未見,無可能咁大手筆。咁過數法。熟嘅人你借兩舊水都鬼殺咁嘈,反而未見過可以借幾百萬。如果咁都得。好過做正式老千。

自己都中過騙案,就一個阿婆又吹得好合情合理,攞兩舊水飯錢。佢一走就知中佢招。
但照返今集講的故事A君。咁呢個雞棚就搭得真係靚。

雖然今集好多事件,今次係第三四次聽,但今次睇的角度,就以欣賞和拆解的模式。
可以構思整個騙局,算無遺策,絕非容易。
今集郭博士用兩節去詳細講述整個故事來龍去脉。學到唔少嘢。
就自己飯前果鋪chess,布個局,又將人唔死。就明白高手與低手的分別。見到A君重對對呢位燕子念念不望。確係要寫過服字。

到最後,感謝郭博士在那些年開這個題,值得再翻聽多次,吸收當中的內容。

chriswong

哩集令我想起一本書叫"命相騙術大全-白玉石"，講搭棚偽術， 裡面提到博士所講嘅大師爸，及得手後安撫事主或令事主內疚亦係騙徒嘅手法之一。
騙徒有時候不知不覺混入你嘅朋友圈，似熟非熟，可能經常見面，很難察覺。
因為融入生活當中，所以毓民哥仔都覺得故事沉悶，但博士道出重點是"貪"。
點樣察覺自己嘅貪，同訓練自己少慾又係另一門課題。
在聚會中同學經常打聽或追問別人的經驗，還停留在向外求嘅思想模式，博士一直都訓練我們多學習解決自身問題，從而在解決問題當中提升智慧，向內尋找答案。雖然所謂相應嘅反應係乜，自己仲未有頭緒，但深信與佛學思想很貼近，會繼續從瑪欣德尊者嘅開示中尋求練功嘅突破。
節目尾聲開左個話題叫"明千"，其實都想聽聽，不過時間又到。

感恩博士的教導和引導!!

陳柱民

即使C小姐是真情又如何, 出現一個閨蜜, 出了亂子, 是爭利也好, 是爭風也罷, A君的結果還不是一樣? 這種事天天都在發生, 比天仙局何止多上千萬倍, 只是此局乃將門之精巧設計, 可引為江湖逸事一樁而已。

爭風吃醋之事, 輕則蹉跎歲月, 重者引致仇殺, 所付出的代價是不能用金錢彌補與衡量的。

很多時候, 不是看不到陷阱, 只是幻象太美, 但願長醉不願醒有之, 心存僥倖圖個例外有之。

夢就是自己設俾自己的局, 其實你喜歡的故事大綱早已寫好, 騙子只是演員與導演, 順住你的意思去演而已, 不過開這場戲很貴。(當然貴, 觀眾就只你一個)

是人自己騙自己在先, 正如A君寧願起回六百多萬, 還是寧願把夢發下去, 未可料也。