請問博士可否談一談TPP對香港的影響?

lawrencetung

中國受TPP的排斥,會否主使香港加入TPP?而香港再次成為中國的主要轉口港?

FenixChan

呢單野似係連環計，其實美國幾乎同時做左幾件事

1.TPP達成協議
2.美國國會報告指北京侵蝕香港自由與法治
3.聯合國計劃增加中國會費
4.美國計畫派出軍艦駛入南海中國人工島礁附近水域

TPP可以話係另一個WTO，以前WTO其實某程度上壓制住蘇聯經濟，今次TPP好明顯係對付中國，但TPP有一點幾特別，佢對版權限制加大左好多，連作者以外全世界嘅人都可以告人侵權，所以就算中國入左都好大鑊，政府根本管唔住咁多人侵權

然後網上有吹風話可以比香港入TPP，成為中國對外橋樑，美國佬似乎早有準備咁發聲明，指北京侵蝕香港自由與法治，美國真正動機係乜就真係唔知，但假設個結果係唔比香港入TPP，到時香港就真係邊緣化冇價值，最嚴重係美國其實掌握住香港政策法，如果呢個最後防線崩潰埋，香港即變廢港

以上我唔知有冇錯誤，其他等博士回答，不過有樣野係真嘅，美國佬唔可以得罪

lawrencetung

FenixChan 發表於 2015-10-10 03:41
呢單野似係連環計，其實美國幾乎同時做左幾件事

1.TPP達成協議

多謝回復。呢個設計根本唔會俾中國入TPP，咁如果中國政府為左俾香港可以入TPP，會唔㑹俾香港更大民主（或者係我一相情愿的想法）？

不過美國有冇咁順灘俾香港入TPP？咁即係係香港開個TPP後門啫。所以美國之後會唔會係香港民主大做文章？（你的第二點）重有，個仲裁機構係華盛頓．．．

又，會唔會攪死AIIB?咁如果我係開發中TPP國家，同AIIB借錢，咁我起條公路，要公開招標，唔俾借錢同基建掛鈎，咁中國基建出口會唔會瓜？