郭博士關於 1340 (惠生國際) 股票提示

TonyLeung

小弟愚見，寧買隻賺住來炒的，都不再溝蝕住來炒的。

Patrick97

以下純粹公開討論！並無對任何人士不敬。
歸納網上其他人士對惠生國際的「另類」意見，可以得出以下六點：

第一： 惠生國際上市連四大會計師行都唔用，新上市起碼要用一次，
證明呢個老闆係一個孤寒財主，呢種莊行內稱作「孤寒莊」，
一般散戶如果想從「孤寒莊」手上獲利，簡直異想天開。

第二： 大家可以翻查記錄，看看有那間公司，用細會計師行上市，股價會大升？
唔跌到仆街，已經是阿隬陀佛。毅德國際上市，是用四大會計師行中的畢馬威會計師行，
呢個莊肯定手鬆。

第三： 有分析人士認為，在過去兩年豬肉屠宰行業不景氣的狀態下，
惠生國際能夠持續實現盈利，這與行業波動曲線並不一樣，其真實性十分可疑。
《第一財經日報》記者曾經作出查詢，但惠生國際並不回應。

第四： 惠生國際以公允值減銷售成本入帳，條數完全唔知點查。生物資產水份極高，
賺錢、蝕錢基本上可以随便亂噏，贏、輸随佢定義。而佢是否賺錢，外人真係唔知。
賺錢唔派股息，十分可疑。不回應記者查詢，顯然對自己條數心虛。

第五： 股市反映其真實價值，惠生股價下跌，正是要去除其中水份，反映其真正價值。

第六： 惠生國際自己講緊做十億生意，如此細眉細眼，肯定沒有大行入貨，
唔通中國社保基金或者淡馬錫會睇中呢隻野？如果股價控制在散戶手上，股價唔跌至奇。

最後本人十分相信博士，亦相信惠生國際股價，一定可以返回兩蚊。
博士能夠打開口牌，實在藝高人膽大。

LG13680

返回兩蚊都係平手蝕少少息和手續費.  希望早點上返上去蝕少少走貨算數.

101

Patrick97 發表於 2014-6-4 17:15
以下純粹公開討論！並無對任何人士不敬。
歸納網上其他人士對惠生國際的「另類」意見，可以得出以下六點：
...

我各得你分識得好有道理,但用上孤寒會計師行.

博士班智囊團冇理由睇唔出,

又吾系牛頭角順嫂炒股價,

不過都多謝你講出正常說話.

吾吹果幾果刷鞋仔

Patrick97

以上分析，純粹歸納別人的意見，一切言論與本人無關，
本人並不持任何立場！
我貼出來分享，只當是笑話一側看待。
但其中開了某報社名字，甚感不安，所以有必要寫明出處：
http://www.yicai.com/news/2014/02/3479891.html

Yoma

Patrick97 發表於 2014-6-5 10:22
以上分析，純粹歸納別人的意見，一切言論與本人無關，
本人並不持任何立場！
我貼出來分享，只當是笑話一側 ...

這只股普通人很難看得通。
其實很多行業，如果真的賺錢、真的有潛質，個人認為沒上市的必要。你公司能賺錢，要大幅拓展業務，如果實賺，你怎樣也借過來吧。如果風險很大，你才上市集資吧。

我認識幾家公司（十分熟悉他們業務），由一家普遍公司，再上市。大股票變了助他搞上市的公司。而原來幾個舊股東變了第二三股東每個cap了幾億。上市5年後，市値由20多億變回2、3億，這個我認為是該公司實際的市値。

上市他們可以cap水，又可以過下做上市公司主席、董事的癮，十分爽。
股場太多老千。

Alexng

博士叫得溝貨應該有原因既，相信博士睇到一D唔係普通可以睇到既地方，肯定博士唔會亂叫人溝貨啦，都係一句，怕就止蝕離場啊！

henry

Alexng 發表於 2014-6-5 21:54
博士叫得溝貨應該有原因既，相信博士睇到一D唔係普通可以睇到既地方，肯定博士唔會亂叫人溝貨啦，都係一句 ...

講黎講去呢句，就咪x講啊！垃圾徒弟！

Alexng

henry 發表於 2014-6-5 22:43
講黎講去呢句，就咪x講啊！垃圾徒弟！

本人對你遭遇深表同情，向你及你家人致意深切慰問，願你一路好走祝你生活愉快！！

GoingUp168

其實只要俾D時間，隻股一定上得返招股價；實在毋須太擔心；每股賺4毫港㢢；正常5倍PE都2元；現只待市場自我修正真實價值姐