好人好事 -小小分享

吳岩鷲

那天有同學叫到,幫手查下咩叫鳴天鼓.

琴晚上課又聽到老師提左一提.
現網上找到了資料,望揾唔到的同學.
家下知到究竟咩叫鳴天鼓吧

鳴天鼓 　　自我推拿方法名。 　　①即擊探天鼓。《河間六書》：“雙手閉耳如鼓音，是謂鳴天鼓也。由脈氣流行而閉之于耳，氣不得泄，沖鼓耳中。故聞之也。” 　　②即叩齒。《雜病源流犀燭·口齒唇舌病源流》：“《養性書》曰：……叩中央齒，名鳴天鼓。”

plant

Thanks for sharing.

吳岩鷲

見到今集有徐小姐，黃光亮，和郭博士向胡大姐拜師，未知會否有一集特別版上來講下前下前因後果。
同埋分享下趣事。

我個人最市儈，唔知出年中元節，有無機見到徐小姐黎唱歌。

chenteipeng

今集出現了怪聲，令本來有趣味的節目大打折扣。
人生無常，唯有珍惜平日的高質素播出。

希望下星期轉回正常。

maharaja

好人好事 (許仕仁悲劇的背後) - 小小分享


曾蔭權和徐立之寫求情信希望給許仕仁輕判。兩位仁兄真係黑白不分，讀咁多書都唔識分大是大非。寫什麼許氏有智慧，處事圓滑，在任時打大鱷，幫到香港，全部狗屁不通之極。最最離譜是顯示這兩位人士毫無廉恥，講這些似是而非廢話蒙混別人。這些人極其可惡，誤導社會。
博士講出這個 point 真係發心醒，香港何其多無恥之人。

許氏所有行為和極度貪婪極其扭曲，令人不解，可能心理有問題，佢都應該知道自己有貪財病態。他的行為值得當心理案例來研究。無報導爆過佢為何大洗到變為大貪。

郭博士說判 7.5 年是太少，其實也是對的，他是大官，竟然其身不正。博士說在明朝許氏罪行當處人皮燈籠酷刑。可知貪官真的是非常可恨。

吳得掂都好乞人憎的，5 日出差點洗咁多錢呀！點講都唔通啦！香港局長情況腐敗不堪。

聽郭博士節目的好處就係這裡有教埋堆的學問，什麼堆唔好企埋去，什麼堆要多親近。這方面對在社會謀生極其重要。有人教和無人教係差好遠。這部份學問適宜家長和兒女一起聽啦！正磪教育！

一個城市或國家，公平公正，有法治，打理得好，人民生活安穩健康富庶，人民履行公民義務和守法，好簡單硬道理，唔洗政府逼話要愛國，大把人說愛你啦！重爭住居留添！唔洗攪什麼愛與唔愛國家的國民教育，唔洗講咁多愛啦！全世界人口流動大趨勢，地方好便留下成為家，洗鬼講咁多！中國管治思維真後幾 out和不夠國際性的。博士多次以星加坡為例指出管治慨念。中央真係要解除狹窄的思維。唔通講愛國就真係愛咩！

每次中場花絮都咁精采，實在多謝博士啦！他有時間為大家千挑萬選精品出來，我們唯有感恩的樂享其成啦！

吳岩鷲

最近有幸睇到,難忘的二十年一書.

當中感受到,以往實幹的共產黨官員作風.
睇返今時今日呢班沐咀.原來連管頭家又唔掂.

連老婆都無野渣手,淨係自己想有野渣手,無論係車定女.

交低香港咁大檔野.比班唔入流架唔係人管.
香港未淪陷.都可算是(人傑地靈).

.........................下續

容燥兒

今集最難忘的,應該是那個跳機械人舞的舞者.
最希望的當然要佢脫光上衫.睇清睇楚佢果身肌肉係點運作?
胸前同背部肌肉架郁動,真係超乎想像.

今集女小提琴和一位男伴拉奏的西部牛仔音樂,
令人高興.一聽之下.
就想起了反斗奇兵和去嘉年華會的感覺.
令人心情放鬆和愉快.最過癮是兩位配上牛仔帽.
造成視感和聽覺.可以達成一致.
真的想繞著手臂.跳一下團團轉的舞.

容燥兒

第三段的,我未知那種舞是什麼呢.

但看到整個佈局,令我想起了劉德華和鄭秀文.
原來兩位大多數電影.都有取用這種歐陸式風格的音樂.
尤其那種手風琴.很獨特,一聽就會記起.

說起兩位舞者.真的跳得非常之好.
有幾下男舞者拋高女伴的動作,有難度而流暢,
幽美而有柔情.
到最後.女舞者一個反拗腰和男舞者輕輕一吻.
難度高,而且要雙方互相相任度要好高,才能完成.
值得再三回味的一場表演.

Tonka

容燥兒 發表於 2014-12-30 10:29
第三段的,我未知那種舞是什麼呢.

但看到整個佈局,令我想起了劉德華和鄭秀文.

喂！張善昌，你又扮女人嗱！你常常自問自答，而且又搞咁多分身，你肯定係精神分裂！

郭輝

轉用屋企電視觀看郭博士做節目，又一年了。每逢星期四開咪，除了總有四季鮮花在旁相伴，畫面內亦有三幅掛畫不時交替在牆旁聽。時而會有罕見金絲楠木的「米缸」襯托，偶爾亦會有意境超然的雕像相伴。一張長形黑面銀腳枱，上半場男左女右，下半場稍為執個靚位繼續"第個問題"。近期似乎在星飛月移下，佈陣方位亦有稍作調整之現象。

至於答客問之內容，除了有郭博士一貫業餘但觸角獨特的本土政治觀點，亦不乏國內及海外政商社會常識。比起以往一個號稱敢講至好聽的網台剖析得更加大膽而又而中立。最令小弟感受至深是接近未聽過郭博士說起這類香港政制或社會環境問題而發出一聲嘆氣之回音。而且每當講到呢d問題，其實都令小弟相當有啓發，唔係因為郭博士小七班衰人小得夠清晰夠理據，反而係因為結論好多時會係：「香港人真係唔夠運」or 「覺得條輪款好可憐」這種不著兩邊的心境。不過郭博士除左回答問題，有時亦會失驚無神出個問題考下大家個牌，此舉往往令不少網友包括小弟之腎上腺素霎時推高，投入程度比起番學讀書考試時更認真去搜集資料，哈，情況相當諷刺！

另一方面，幾個月前開始加插中場花絮呢條橋亦相當有意思，不但能夠將節目層面更加橫向拉闊，而且從中提供的學習資訊其實並不比問題環節遜色，一眾唔想將供樓會成為"我的志願"之網友想必要多加翻看，而想出此舉的人兄亦可謂功不可沒。

至於郭博士的長期拍檔大貓小姐，由酒色財氣至現在好人好事都不停有轉變同進步。當然呢個任務如果交比小弟做, 肯定百分之一千攪唔掂，但作為一個觀眾身份而言，起初蠻覺得這個組合相當奇怪，但隨時間觀察，漸漸領悟到大貓小姐能發揮之化學作用其實相當多，好可能係由於參加過阿媽係女人課程之啓蒙吧 。當然除了可見的，相信背後也有一班長期照顧大家星期四晚心靈的幕後工作人員，在此借網絡力量對你們說聲多謝及加油！你們由音質、畫質，以至發佈速度都不停改善，相信資深觀眾在心中是會看得見你們的存在及每次無聲的進步。

而小弟更相信，每位能夠逢星期四或打後一兩日能在家中舒舒服服欣賞到好人好事節目之觀眾，某程度上都相當有福氣。至於如何推薦呢個咁奇異既節目比親朋戚友，小弟都有個小方法比大家參考下，其實好簡單，只需要將郭博士講過既故事講比你朋友聽，間唔中講一兩個，岩channel的朋友自然會有日問你係邊度聽番黎，到時再介紹就變得相當容易！

2015將至，大家除左會更換一個新既身體之餘，亦希望網友們及中國最高領導們繼續量大福大！網羅智慧！