「唔漏水點叫長江」！嘉湖破頂 業主：虛幻嚟

Nelsonlai

天水圍嘉湖山莊蟹貨大翻身，樓價升穿九七高峯返家鄉，記者實地追訪多名一手買入嘉湖山莊的小業主。當中蔡先生於一九九六年底以約四百六十萬元購入景湖居頂層複式單位，實用面積一千四百零七方呎，折合呎價約三千二百七十元。

當年的天水圍配套交通仍未如人意，他一語道破業主入市心聲，「平呀嘛大佬！最平㗎喇全港……咁嘅錢住呢到梗喺咁喇！」

「唔漏水點叫長江」

對於單位用料間隔，他率直地答「唉！首富啲嘢（實用率）最多咪七成！」漏水問題亦早有心理準備「漏水就梗喺漏過喇！長實呀嘛！唔漏水點叫長江！」


一九九七年嘉湖山莊全年成交平均實用呎價約五千五百八十元，最旺時更高見六千二百元，後來經歷金融風暴、沙士，二○○三年大挫七成，呎價只餘一千七百二十元，往後數年樓價只是龜速爬升。時移世易，近年政府多番壓抑樓價無效，上車客盲搶細價樓令嘉湖樓價大躍進，升穿九七高位後，目前成交呎價高企約七千零一十元，較九七年高位高出13%。



■嘉湖樓價升穿九七高峯，業主蔡先生亦斷言唔會賣樓


蔡先生的單位網上估價逾一千二百二十萬元，升值約一點六倍，但他斷言唔會賣樓，一刻的心動都無，「賣咗瞓街呀……（升值）呢啲係虛幻嚟！夢幻泡影！」，更叮囑記者「正正經經做嘢好喇！唔好炒（樓）！」





祥益謝利官表示，包括連租約單位，嘉湖山莊目前有約六百個放盤，其中約二百個叫價四球樓下，大部份為兩房戶。近期不乏外區客到嘉湖山莊揀樓，區內買家及外區客各佔成交量一半。成交量方面，嘉湖山莊去年十二月到今年一月共錄超過一百六十宗成交，對比往年同期增幅達七成。