對國際象棋的後感分享

容燥兒

20180615

今天作第二次和人對奕chess.比人封死哂去路。

仍未習慣睇前睇後,由於棋盤與象棋的線性有點不同。成日睇漏眼。

但個人覺得係幾好玩,尤其是皇后封鎖線很大,比象棋的車更大自由度。
而騎士是沒有撬馬腳這回事,可以跳過前面擋著你的棋子。
而主教(象)封鎖的斜線,覆蓋性雖然各佔一半,但作為把包抄範空間收窄,幫了不少忙。

總括來說,自由度比象棋大,至少我呢鋪,比人將軍,可以唔使只困死向九宮格內,有得走下佬先。

容燥兒

20170708-敗

呢鋪到最後去到殘局時刻,真係鹿死誰守都未知。
去到互相將軍。如果唔係白兵變到皇后。我都未使輸。

講返開局之時,對手唔小心比我食咗皇后,從中我又兌子對咗佢嘅象。
直到中局在將軍之餘又抽埋佢隻車。

本來都係上風,睇到對手反應,都顯出amazing.
當時對手處於下風。
自己每次都犯過於大膽,希望用重子換望一鋪將死人。就比人有位走甩咗。

但在進與退之間,好難決擇。眼前唔敢又要重組攻勢。退又好似好不甘心。
搞到關鍵時刻,比對手有喘息時刻。

但今鋪發現到pwan係可以幫到唔少忙,尤其殘局時候好救到命。

容燥兒

20180704-敗

昨天其實贏過一次,四路圍攻,將軍無棋,連自己都無察覺就贏咗,相信對手有家事,先比我贏到。

今曰,用咗,雙馬,后,車四路圍攻都比人甩到身。又再犯同一錯誤。心急埋尾。又比人走甩。
變成最後拉鋸戰,因為對方最後卒仔變皇后。
所以先比人反敗為勝。
過程緊張,亦看出自己未能顧及全局,耐性不足的弱點。相反對手沉著應戰。就算偶有大力下子,被我逼到有壓力,但都很用心去建構殺局。

今次是學棋而來最好玩的一次。

容燥兒

20180701-3敗

剛才與同學捉了三盤棋,頭兩盤都輸咗呢位哥仔。

到第三盤就好彩,一隻皇后。兩隻車,組成到個殺局。
但到最後竟然比呢位哥仔,反敗為勝。
皆因行咗個敗著。都係太心争想將人軍。先將局勢扭轉咗。

早兩晚,有同兩位同學捉咗兩盤象棋,不其然佢哋大家共通點,一著都諗清諗楚先行,雖然從佢哋口中,都話有行錯咗棋。但明顯有耐性,在捉棋過程中有優勢。起碼唔會自亂陣腳。

在同呢幾位同學捉的過程,啟發到好多嘢。
靈感都係來自睇完魔術得來。

容燥兒

20180622-第4回敗。第5回-勝。

第四回好快就比人checkmate.一個位封三隻棋。無得選擇下輸。

第5回,
比個旁邊鶴窒一開局咁快用騎士check人哋。我都係逼於無奈。無棋好行。

去到中局,我都諗住輸硬心態下,諗住唔贏都死守下。過程中,好多次對手可以抽走好多重子,是旦無一樣都死,但佢都無做。唔知佢讓定累定鬼掩眼。

去到中局棋尾,佢有車已猴住我個王。我揾個主教頂住。串步不離。

佢手頭上有一隻皇后,追債咁追,但佢似乎睇漏眼,比我一個主教從後剷走。加上我有隻兵差兩步到底線。最後變埋皇后。形勢就唔同。

但對手棋力都好勁,一隻車加隻兵。都好大威脅性。拉扯好耐先至有零的突破。

但第五回就有得著,開始可以顧到下前後,同睇到佢想點組識攻勢。當然睇到都比人襟住嚟砌。

容燥兒

20180617

第3回-敗

圖左上角。第二子為王
被皇后斜殺。車對面殺

容燥兒

多謝賜教

chriswong

我都有哩副棋喎，不過開局點解有4隻小兵都冇郁過嘅，要做好防守先諗進攻。