【公告】 徵求傳銷活動資訊

admin

市場上巧立名目的傳銷集團充斥，若有不正當的資料請帖上分享警惕。

傳銷大騙局http://www.singapore3.com/thread-532147-1-1.html

Alexng

支持大踢爆

ronaldo8282

傳銷 + 科網概念 + 原始股投資

http://tieba.baidu.com/p/932701798

Nelsonlai

非常感謝分享啊！

hkkpcys

其實統統傳銷活動,用找人搵錢再分佣果隻,就算產品有幾好,政府不反對經營果種,都係有問題,其他網友看法如何?

kit55555

我有一單
已經報過警
不過警察證話據不足唔受理

江上月

呢個又係埋真吖

http://reonhdgjhyugshudg.blogspot.hk/

CarmenNg

湘傳銷黨逼粵漢扮被擄勒贖
溫姓男子在身上塗紅藥水，假裝被吊起受傷。（互聯網圖片）
9 Dec 2013
【太陽報】廣東韶關市溫姓男子上月前往湖南婁底，與女網友見面，豈料對方是傳銷組織成員，更踢他入會。溫將身上錢財花光後，被傳銷組織首領要求他假裝被綁架，向家人索取二萬元贖金。
據指溫為求逼真，不但主動佯裝哭腔致電父親聲稱被綁架，更在身上潑紅藥水扮血漬、假裝被吊起，拍下綁架照傳給家人。家人情急下報警求助，並將照片上傳網絡求救。傳銷組織看到網上訊息後，擔心事情鬧大，放溫回到韶關。

leungtinyan

支持轉發

manny628

http://bbs.shunderen.com/thread-3856863-1-3.html

之前就听过见呢间（X碧思）嘢好耐啦，由于自己无接触过觉得无咩嘢，所以都无咩点摆系心度，不过本人都系好憎呢行，全部都系传销活动，呢行仲有好多，系顺德都有好多。唔知我呢2年系唔系同直销（旧时嘅传销）比较有缘，身边有几个朋友都想呃我做，好彩我对生活嘅要求唔高，都系比较安于现状，有份收入就够了，所以对个行高收入无兴趣。
      今年10月中俾细佬连呃带求跟左距嚟香港了解距嘅生意，去到就一睇原来系X碧思，听讲好赚钱架，不过我无兴趣，因为系香港听左4个下午嘅课，一下午5好钟左右啦，系度坐住听比死更难受。系度真系见识好多架，个个都系乡下人出身，个度D成功人士都系咁出嚟架，都系一个农村仔、女因为不甘心，不满足（都系个度嘅口头禅）而创造出嚟嘅成功人士，宜家个个都买洋房买3系列汽车。系个度D产品都系法国进口架，有洋酒、红酒，香薰，仲有好多，听讲仲可以医病架，有个人医生都话无得医啦，判距死刑，得返半年命，点知做左呢行，用左唔知咩产品加香薰精油一齐用就好返哦，真系好神奇啊！个度嘅讲师仲讲出好多案例出嚟同大家分享！总之讲到个度D产品天上地下都无，只有距个度先有啦！如果想要都要成为经销商先可以买到架。（咁讲就知道咩事啦）4日就系地狱式嘅生活中度过了，啉住可以返嚟啦好开心，点知仲要返去东莞做总结哦，心啉，做总结关我鬼事咩 ，我就同细佬讲，总结唔关我事，我要返顺德啦！距就笑笑口话，听埋先啦，可以学到嘢架，一留又2日。呢2日有一日就系一对一讲课！我见到同我一齐去个D新人，有大半新人都无去，原来系筛选过，剩返睇到好有兴趣嘅先带返个窦，兴趣一半嘅，过关就叫距哋该干嘛就干嘛去，因为我系我细佬带去，因为对我无点考核就带左我入去，呢2日就开始洗闹啦，有个女人真系入魔啦，应该系距老公发觉到有嘢，所以距老公不停咁打电话叫距返去，距死都唔肯返，最后距老公用离婚嚟威胁距，距话宁愿离婚都要做呢盘生意。（个度个个嘅口吻都系一样架，个个都话系一盘生意，包括我细佬。）我都有劝过我细佬返嚟架，距话有得做哦，仲叫我埋我加入，当时我话好啊！等我返去搞掂顺德D嘢啦！其实个时系呃距架，返嚟顺德根本就无咩好搞。系东莞个度见到全部都系86-91年出世架！因为呢D人见过世面唔算多， 所以好易俾人呃，见到咁多呢无知少年，我都唔知点，距哋俾10几人洗脑，得我一个嘅力量点够啊，不过咁次最大嘅收获都成功劝退左一个少年。咁多人之中就得距问左我微信，我返嚟个晚距就开始同我倾计，我叫距返屋企，距问我点解，话产品有得做，我话唔想要朋友同学亲人你就去啦！都系拉人头做，而且都拉身边嘅熟人，事实系咁，包括距同我都系亲人拉去个度，距就系距堂大哥带去，好多都系一家亲，唔系表姐就系表哥或者姐夫妹夫兄弟姐妹。

      呢间公司应该系走法律漏洞，如果唔系，系香港就唔会咁嚣张。系香港有8间公司，而且间间都话系用几多个亿买落嚟噶，距哋系咁讲，我唔敢保证真假，未得到证实。到底有咩办法先可以拉返距哋返嚟呢！个度嘅人同大家讲，呢间嘢系大陆暂时未出市面，宜家系香港咁样招商系属于铺管道嘅时候，叫大家俾心机发展自己嘅生意。话通过考核大家就可以坐享其成哦！仲有个金字塔嘅计算结果非常吸引人，特别计到3.7几亿个时，收5代人嘅钱时真系流口水，个时我心都有小小心动。

      提醒下大家，如果你身边有朋友话系香港做外贸生意，或者同你讲投资少0风险，又或者话见同你咁好想想你，带你去做生意，大家千万唔好上当。因为我系个边听到距哋上班嘅人系咁对距讲架，而且对公司嘅产品都唔会讲得清晰，包括我我细佬。

            在此我还希望社会人士俾个提示我，点样先可以带我细佬返，几万唔见就算了，当买个过教训。此后我都唔想再见有人跌落呢个陷阱啦！希望各界人士提醒下身边嘅人啦！