天九遊戲設計我見

erict

　　聽到有朋友說正在設計天九遊戲，就此事給一點點意見。個人建議以下列數點為設計遊戲原則：
一，這天九遊戲擺到明係三對一，一開始，講到明玩家就處於劣勢，一家對三家。或者，先用SQL server或MySQL server模擬三幾十個境況，而視乎玩家出牌而交錯，這情況我相信SQL server，行automation，行一大輪，應該可以做到。呢一點比較麻煩，因為如果要設計300個牌局再加入30個出牌情況，即係有9,000個組合。不計雙子三子組合，再乘8個不同層次出牌，即係72,000個組合，似乎，呢方面對設計者工作量好大，但如果做得到，趣味性會好大，應該幾好玩。
二，難度方面，應以連庄為指標，越贏得多局數，難度越高，這可以跟附圖為參考。
三，文武子分配方面，可先用SQL server行出一堆scenario，可根據出牌機會率再分排不同局數於不同連庄概況。
四，根據過皇玩天九二的經驗，我感覺舊有設計係，頭家打出文子，電腦一定跟最大的文子，呢個係牌局的漏洞。或者，可以考慮三抽一，CPU 1主攻，谷晒大牌，企圖令玩家犯錯，CPU 2及CPU 3包尾殺，利用不同牌及雙子組合（例如人七，寶子）令玩家不知如何是好，是棄子還是留天或九以備後用等等。
五，如果以玩家的對家CPU 1為例，最好專門針對玩家，增加難度。因為，成個牌局的目的就係要令玩家輸。所以，以此情況，CPU 1係死士。因為，不論是CPU 2或CPU 3贏，始終都係電腦贏而玩家輸，已達到目的。
六，如果去到四五連庄，不妨給予玩家至尊或雙天。因為，以過往玩牌經驗，有至尊反而是負累，因為唔捨得出，多數存貪念，留嚟出最後一擊，搏贏四倍分數。呢一點，就可能係有所謂有捨才有得。懂得捨棄，反而更靈活處理。
　　小弟認為最重要都係將文武子靈活調配之用，陰衰陽盛，多數強攻，有時，反而壞大事。調和陰陽，有進有退，似乎至係致勝之道。賜教賜教。

panic_lau

我認為天九始終都係同真人教量好玩, 有得睇人面色, 特別係過年時候,啪啪聲,有氣紛.
建議博士搞過慈善天九王大賽.

erict

　　記憶中Dr好似講過搞天九遊戲係文化工作，讓海外朋友或遠在他方都有機會玩下，當消閒遊戲。
　　但如果真係搞真人比賽，小弟都好想參與，玩下。