處理自己內在問題

spirit

請問郭博士, 如何才能有效地增加自己的自我價值? 又如何增加自己的自尊心呢?

另外, 幫助別人應該不問回報, 但不求回報時, 別人還要說你有目的, 有時甚至還多踩你一腳, 說你沒有優點...聽到個心會不舒服! 但有這個感覺, 是否已經是有要求回報?  應該怎樣處理自己心態呢?

謝謝回答! 感激萬分!

容燥兒

相信呢個係作為人好正常的表現。

唔好嬲，唔好好急，呢啲說話我都講唔出。
只
相信平日要保持身體健康，心靈健康先。
先有足夠量度，聽呢啲嘢唔係咩大事。

假如自己都抿震緊，呢啲就成了火頭。
一辣就爆。

chriswong

其實念祝福文及多行善，心態會改變。

博士也經常貼出具科學引證的方法，如下:

美研究：慈善行為改變大腦生理結構
http://tw.aboluowang.com/2015/06 ... thash.2tXQQzkp.dpbs

博士也經常說，別人無福消受，不是你個人問題，而是他沒福氣而已。
再加強的話，就要向內追求，那就是佛學了。

Rondey

先將家裏收拾得整整齊齊。

spirit

多謝各位師兄指教同分享.
有時都覺得好奇怪, 幫唔識o既人 / 同小動物玩, 仲開心過幫自己朋友

Rondey

幫人應該將焦點放在解決事情上，而非朋友的反應上。
故此叫你幫完別人就去執下屋企，分散自己注意力。
不停 recall 朋友的誤會於事無補。
一段時間後，該明白的自然會明白，不明白的只不過損失這類型朋友而已，世上何止一片森林。
你有能力幫人，是你的福氣，因為能提升你個人的能力。
同枱食飯，各自修行。

erict

　　我都認同Rodney兄之言，不停loop件事，肯定有壞無好，不停loop，係將件事不斷發展，滋生，再諗多九億次，都九成九唔會有好嘢。我都試過好多次有此情況，我今天的做法係同自己講，件事都唔係咁／唔好再諗／馬上停止這想法／自己鬧自己（屌，你都on9嘅，係你諗啫，可能件事唔係咁）。所以，倒不如放下，又或者果件事過咗之後，下次再選擇真的有需要而唔會選擇有事夏迎春果D人交手。
　　因為，有時你的出發點係好，但人人反應及想法不同，有D會諗你有不可告人目的，有D會諗你一定埋嚟搵著數，其實十萬個人有一億個想法，所以，今天，我的做法是，今次做咗就算，如果對方左諗右諗，其實從眼中及行為都知道八九成佢係咪信你講嘢，咁嘅情形就下次唔幫最好，因為既然雙方都無基本互信基礎，件事未必有好結局。
　　其實......我都係因為試過好多次以上情形才得出這結論，至於咁樣係咪正確，還要靠大家品評賜教一下......

spirit

師兄言之有理! 幫完就算, 個心的確係會好過好多, 其他野冇謂諗~ 咁先係真正要求不要回報, 我會努力去學習
其實都係一件好事, 起碼都認清楚對方係一個咩人, 係咪真正朋友. 本身都冇想去諗佢背後諗咩, 不過好多時都係之後言談間對方說出了他們的想法, 又或是facebook 出賣了他們的人格...
只可以話: 道不同, 不相為謀. 天要我知道真相, 我無法拒絕, 亦樂意接受. 此時, 我只可以調整自己心態同想法.