已經第八年

goldenma

都幾一針見血 , 用另一種方法去記錄香港曆史 ，支持 ！

https://www.youtube.com/watch?v=uQPIclUHrI4

15 HK Rap Up (MV Edit)

曲：陳瑋洛

詞：MastaMic

編：陳瑋洛/Joey Lam / MastaMic

監：MastaMic


一年又一年今年嚟到第八年Rap Up

一年一度嘅Rap Up當然唔會消失

一年一次我會用rap去總結過去365日

事不宜遲睇下今年我又會rap乜

江華五張嘢無做幕前轉做保險

佢狠評嘅娃娃舜十幾年後反而有得表演

既然900蚊拍MV搏到過百萬人氣

Rap Up MV用500蚊應該有幾廿萬hit rate  

MasterCard代言揾咗唯唯唔揾MastaMic

相信因為在下唔夠唯唯咁似擦鞋仔

阿BOB飲醉同政協陳小春搶咪

吓夠薑辣著山雞唔通無睇過古惑仔

50歳美魔女羅霖出寫真仲要加印

話唔定我阿媽都可以出嚟行性感

你話拖住手揸車都幾高難度

等城城示範一隻手揸車一隻手拖住上海������模

吳業坤靜靜雞偷食好西

靠偽毒冧掂龔嘉欣小心得罪高登仔

如果阿叻真係叻到Facebook由佢創辦

咁佢當年點會一舗就蝕咗幾千萬

財經小花林芷彤摩打口17秒讀完158字嘅免責聲明

好彩我都成功挑戰15秒讀完證明我MastaMic個朵唔係浪得虛名

四哥怒摑曾江錯手將胡楓眼鏡打竵

Joe Junior堅持揸咪化身做戰地記者

梅艷芳連內衣褲都被人網上拍賣

未見過有遺產管理人係咁仆街

大閱兵有藝人微博話睇到感動流淚

咁感動點解唔加入解放軍為國捐軀

Juno一首羅生門係樂壇一舖翻身

由幕後紅到幕前真係紅歌又紅人

如果形容阿姐唱經過那些年夠洗腦

咁形容李逸朗唱傻女應該夠恐怖

家強同CY台上合唱完再影相

原來一早有人已經背棄了理想

亞視一拖再拖員工嘅薪金

咁都夠膽自稱做亞洲良心

最後續牌失敗終於壽終正寢

邱德根知道死咗都隨時激到彈起身

李思捷個talk show叫今晚睇你

成個節目左抄右抄應該叫今晚抄你

以為大台咁開通接受另類創作

點知原來係拎啲Youtuber出嚟娛樂

女神蔣雅文元旦公布已婚老公台灣人

呢個消息傷透天下所以高登仔嘅心

既然阿Sa你同的士陳都分開咗

如果你鍾意細過自己不妨考慮吓我

Mandy同洗米嫂為男人明爭暗鬥

終於正印洗米嫂都要忍痛分手

當有人唱叮噹可否不要老

但可惜林保全已經唔再喺度

多謝綠葉演員一生對演戲嘅堅持

招石文 孫季卿 鄺佐輝 何家駒 rest in peace

頭搖撞蛤蚧真麒麟怪

師傅揈住頭跣胎撞到葉劉大嗌

舊年一睇以為成條街個個都係哪吒

其實佢哋只不過係平衡車嘅玩家

膠袋徵費每次最少要比五毫

用少啲膠袋慳返五毫掟死大陸五毛

如果薛國強行路快過電車咁異於常人

佢應該代表香港去參加下屆奧運

宏利想用$ 500整三條太空宣傳片

下次不如叫人用$ 500拍套星球大戰

南韓中東呼吸中級綜合中出呼吸綜合症

我估應該係最橋口摻手嘅醫學名稱

瓦努瓦圖遇風災吹毀首都

咁景鴻移民咪要拍過新一輯廣告

天津發生化工大爆炸場面恐怖

爆炸時嘅蘑菇雲起碼有20層樓高

巴黎恐襲香港Facebook頭像換曬法國國旗

真心為別人加油定係順應潮流要問返你

一代球王胡國雄與世長辭

佢嘅名字喺香港足球上會名留青史

粵劇紅伶林家聲不幸過身

你為粵劇奉獻一生我哋會銘記于心

般咸道石牆嘅百年古樹漏夜被斬

路政署決定草率正宗殺樹唔眨眼

政府回收深水埗 俗稱「棚仔」嘅賣布市場

呢度陪伴好多本土時裝設計師成長

金雀餐廳屹立銅鑼灣半個世紀

可惜未走到到2046就已經結尾

城市論壇冇咗主持謝志峰

就好似輕輕鬆鬆但係冇咗鄧梓峰

創辦廿年嘅八掛雜誌忽然一周

今年突然停刊即刻變做忽然一收

馬雲買起過百年歷史嘅南華早報

咁南早以後咪會變做紅早

嶺大副校長大學畢業論文涉嫌抄襲

由嶺大校董成立嘅博士工廠亦被揭發

一個電話比人呃幾千萬慘不忍睹

打嚟話冒充內地官員咁易俾人呃到

DSC德爾斯老闆突然執笠走人

最慘應該馬國明冇得再做代言人

廉署用咗三年完成調查曾蔭權

佢係香港史上被起訴嘅最高級官員

搞創新及科技局但又要打擊Uber

咁樣都叫支持科技真係自打咀巴

港鐵唔俾乘客攜帶大型樂器

但係偏偏比水貨客帶大件行李

兩場港中大戰0:0守到最後

俾大家見識到香港有層次嘅足球

有人話光復運動示威者太過分

偏偏咁先逼使政府同中央商討收緊自由行

係香港逾期居留九年嘅懷仔

搵陳婉嫻諗計最終自願遣返無得留低

港大城大理工浸大決定退出學聯

學聯名存實亡隨時流失更多成員

區議會選舉見證政治新世代嘅掘起

先有葛佩凡收皮再將鍾樹根連根拔起

警方嘅Facebook專頁有20個人嘅管理團隊

佢哋嘅職責係將所有唔啱聽嘅留言刪除

如果胸部可以襲警咁神奇

咁好多靚模都攜帶大殺傷力武器

為咗破案警察可以去到幾盡

不惜屈個無辜智障男事件荒謬絕倫

朱經緯追打市民發生左成年

人哋退休攞埋長糧都未有任何進展

光明磊落七警幾時先會被人告

搞咗一年終於正式落案起訴

不過同日曾建超被預約拘捕

竟然係戚秦氏翻版原告可以變被告

特首話䕶老院虐老關土地問題事

咁佛光街對情侶咪係土地問題最佳例子

佢仲話自己權力來自中央所以地位超然

最抵死係佢後邊嘅官員聽到反應愕然

超然特首Facebook朋友中有AV女優

我明白老婆咁嘅樣自然會想上網交友

梁齊昕自爆媽咪唔係佢親生媽咪

再兜巴摑呢個唔係佢親生媽咪嘅媽咪兩次

纏繞兩年嘅政改方案四月出爐

落區唔落車堅離地嘅宣傳不如唔好做

既然中央對政改態度企硬寸步不讓

咁你想香港市民袋住先都只係妄想

建制派表決前拉隊離場要等埋發叔

結局大比數否決劉皇叔無啦啦中伏

啟晴邨未來應該會有好多iron man

因為食水含鉛量超標到得人驚

林鄭指逼人飲鉛水係屈辱官員

難道小市民飲嘅水又應該含鉛

第三條跑道嘅空域問題仲未解決

就已經大啦啦千幾億幫香港人大出血

高鐵不停超支事件已經夠曬痴線

最危險係到而家仲未搞掂一地兩檢

吳克儉TSA公聽會又唔出現

市民訴求擺埋一邊去日本食個放題先

吳克儉局長一個月睇30本書能人所不能

不過睇得書多又唔代表佢有學問

港大校委嫌陳文敏無博士學位係手

話有校委跌親冇show sympathy冇人問候

如果做副校長嘅資格要識問候咁荒謬

咁等我用四個 字成語問候你盧寵茂

李國章出任港大校委會主席

恐怕港大嘅學術自由已經危在旦夕

政府上載喜歡你都觸犯版權修訂條例

連政府都犯法你就知條法例係幾易中計

雖然Wyman林夕話隨便改佢哋嘅詞冇所謂

但政府一樣有權憑法例搞到你一身蟻

感謝聽緊呢首歌嘅每一位

沉澱咗兩年馬米今年全面回歸

全新嘅嘅音樂配合全新嘅班底

你哋期待咗兩年嘅新專輯即將面世

-----------------------------------------

想起一個故事

以前有個青年本身讀書差 ，後來喜歡了 hip pop 玩起 rap來 ，不過他馬上發覺自己中文字不夠多 ，跟住就發奮起來學好中文 ！