西環集中營：數萬人撐七警惹中共疑忌

陳柱民

西環集中營：數萬人撐七警惹中共疑忌

四個警察協會前晚聯合舉行特別代表大會，商討支援因向公民黨前成員曾健超施襲被判入獄兩年的七警，結果變成數萬人撐七警反司法制度抗議集會。有官場及政界中人直言，今次集會不但無助爭取市民支持警隊，反而進一步損害警隊形象，有熟悉中共政界中人更稱今次非官方發動集會，雖然得到建制派支持，亦有西環在幕後發功，但最終只會引起中共疑忌，「（中共）會諗，如果呢班人日後反過來要脅政府，咁仲得了？」                                                                                                        
                           
憂日後要脅政權                                                                                                                                       

有官場中人稱，原本法庭重判七警，不少較保守市民會傾向同情七警，但前晚警察集會，傳媒及社交網出現的畫面，卻是如數萬黑社會「晒馬」，「粗口橫飛、唔講道理，好似七警打人完全冇錯」，他一些專業人士朋友，看過有關報道，也認為集會「過晒火位」，「畀市民睇到唔係一班專業警員應有表現」。

有法律界中人也對季陶說，他的社交網不斷有朋友將前晚集會照片，與當年貪污警察包圍廉署照片放在一起，連一些認同七警判刑太重的法律界同行，也開始改變態度，「佢哋睇到集會報道，都話班差人心態有問題，法官判得太重係一件事，但唔可以因為咁，就覺得打犯無錯，咁搞落去係咪差人執行私刑，法庭都要判冇罪？」

另一熟悉中共的政界人士稱，今次七警事件因為佔中，建制派及西環均支持，但該政界中人稱，當事件過去，中共就會猜疑，原來香港警察工會，可以動員萬計警員集體行動，「今次呢班人就話撐政府，如果佢哋日後反對政府，咪可以要脅政權？」他指這並非憑空想出來，數年前內地一些毛派團體動員群眾遊行支持共產黨，但之後這些毛派組織陸續被官方取締，「中共就係怕任何呢類非官方組織坐大，更何況係紀律部隊嘅工會？」

季陶                                                                                                                                                                                        
                           
                        

http://hk.apple.nextmedia.com/news/art/20170224/19938594