2016.5.8 郭博士推介：《德國1983年》Deutschland83

peterau

推介大家看一套德國劇集《德國1983年》（Deutschland 83），


楓林網
http://8drama.com/118716/


FIX 網
http://www.fixsub.com/portfolio/德国83年


內容是八十年代東西德諜戰和政治鬥爭，過程扣人心弦，可撰文分享心得。


八十後出生的人不會知道共產國家的邪惡本質，希望透過這劇集讓年輕人心存警戒，有所取捨。


郭泐！

容燥兒

多謝郭博士推介的這套電視劇,拍攝水準極高.

以往睇過無間道的電影,梁朝偉做卧底都係卧返响香港人.
有好多都重可以過到骨.

但睇返一個由文化同思維唔同的國度出發,要自己演繹另一個身份,
大有難度,真係講錯一個地方名詞,都足夠送自己上路.
例如,超級市場叫錯百貨店就死得人.

一路睇,就盡量代入男主角思維,出國並唔係去旅行.
呢個真係帶住矛盾去旅行,唔同香港班土共可以响華懋大廈食鮑魚咁過癮.
而且又要開鬼咁多鎖,開鎖係做卧底最攞命一環,
果一刻真係一萬年咁長,重要一次過開三個鎖,係人都會癲.

睇到,自己姨媽好理直氣壯,送自己上路,
又話有咩特殊褔利,又有架車,又有間屋,又可以幫呀媽換腎.
雖然响民主自由國家,都唔一定有.
但作為民主國家的國民,都重可以講句,(我使鬼你送呀?)

連講句人話的權利都無,真係唔知點叫人去為國為民做英雄噃?

Yul

搞特務工作就魔術表演，隨便一個環節出錯被識破都會累街坊。

cwcheung24

為權力而搞政治正常
為金錢而搞政治高手
為理想而搞政治要千萬個提仿

erict

儘管整套電視劇未看完, 但劇中的情節加埋郭博士之前講的香港事態, 其實不陌生. 例如: 製造假情報做成天下大亂, 為的只是自己有得撈; 將軍的兒子思路不清晰, 分不清楚當前大局, 誤信為理想為和平的學棍 (是東德間諜), 先搞什麼座談會沙龍, 你一句我一句以為有料到, 再搞示威, 又變節之類, 若非佢老豆係將軍, 晨咁早屍骸都無; 對方不斷用各路人馬搞局, 背後都有其目的; 表面大義澟然的領袖級人馬, 死在女色, 正是色子頭上一把刀, 等於博士講的過唔到關, 如非將軍醒水, 一早釀成醜聞, 世界大亂.

但數到最恐怖最令人心寒的是某女高官可能為搏表現, 陞官發財, 利用妹妹的兒子做間碟, 還先斬後奏, 暗地裡送男主角到西德. 再利用她妹妹的病情要脅男主角, 迫其就範. 一有事, 自己靜靜雞攞非洲某國Visa, 有plan B. 如果事情對自己有利, 非常有著數; 如果事情不妙, 自己先散水行人, 你班友你死你嘅事. 試問如果那個生活環境影響之下, 連親妹妹或家人都可以出賣, 都可以這樣心狠手辣, 對外人又是什麼態度?