天羅地網

標題: 向親友集資　拆家被呃410萬！「覺得自己好蠢」 [打印本頁]

作者: Nelsonlai 時間: 2015-3-16 17:35
標題: 向親友集資　拆家被呃410萬！「覺得自己好蠢」

奶粉騙案中，失款達四百一十多萬的苦主Y小姐，是最早一批受害人，她聲稱除了當中的70萬元「私房錢」外，其餘全都是親朋戚友的貨款，她昨日面對記者時哭了出來，「我真係覺得自己好蠢，信錯咗人，如果唔係有老公同屋企人支持，我諗我真係過唔到！」

■苦主Y小姐接受訪問，稱向親友集資　拆家被呃410萬

二十九歲的Y小姐育有一名兩歲兒子，與做外牆工人的丈夫居於大窩口邨公屋，一家三口靠丈夫月薪萬多元生活，雖然過得「掹掹緊」，但兒子的出生為夫婦帶來不少歡樂。可是，全職家庭主婦的Y小姐沒想過變成「債仔」，無故孭起了三百四十多萬元街數。

「每罐抽番十幾蚊佣」

她向記者稱，去年七月經妹妹介紹得知有平價奶粉訂購，因而結識女騙徒Angel，雙方更約出來見面食飯，「佢話自己識供應商，又大住肚，大家都係媽媽，對佢戒心低咗！佢一家三口連佢媽媽都有出來，估唔到成家都係一夥。」

Y小姐與其他受害媽媽一樣，經多次交易都相安無事，其後貨量和金額越滾越大，「好多朋友都經我攞貨，越訂越多，我每罐抽番十幾蚊佣，諗住賺啲外快。」

變身拆家的她，去年九月二十三日入了近二百萬元奶粉、尿片，收貨後令她信心大增，再加碼入貨，最終對方以「佔中」為由，一拖再拖，至今連電話號碼也停用。雖然她最近已向親友籌措一百萬元清還部份欠款，但為了還債，近日她四處搵工，「我企出嚟係唔想再有人好似我咁蠢！」

作者: hkvcdso 時間: 2015-3-17 09:36
本帖最後由 hkvcdso 於 2015-3-17 09:37 編輯

都唔多明？有三百四十多萬元貨錢、何解唔直接去廠訂貨？可能重平的

去年九月二十三日入了近二百萬元奶粉、尿片，收貨後令她信心大增，...................二百萬元奶粉、尿片，要有好大地方存放、同有好多的客路同工人？

作者: hkvcdso 時間: 2015-3-17 09:40
本帖最後由 hkvcdso 於 2015-3-17 09:45 編輯

一個普通女人做五來的、唔通係水蛇頭????????????????????

作者: chrisX9 時間: 2015-3-17 11:01
一層騙一層,上面都不知道經過多少人抽水吖,其中一層出事即刻走數啦!

作者: awah 時間: 2015-3-17 13:18
我每罐抽番十幾蚊佣，諗住賺啲外快。

作者: philiplau 時間: 2015-3-17 15:24
呃410萬?????

歡迎光臨天羅地網 (http://li1473-118.members.linode.com/)