天羅地網

標題: 亞視應該夠鐘 [打印本頁]

作者: yinkk 時間: 2015-1-6 12:07
標題: 亞視應該夠鐘
亞視應該夠鐘

打工仔自己冇糧出，還要出面代啲潛水股東／投資人出面應付政府，應付傳媒，可算慘矣，如果已被「封」為董事，仲杰，政府勞工處要控告公司拖欠員工薪酬嘅話，董事要負責任㗎，假如公司真係破產，身為破產公司董事，以後做其他公司董事，會被視為not fit and proper（非適合人選），形同在商界高層領紅牌出場。
故此好似葉家寶咁，係打工仔啫，駛乜捱咁多義氣，呢個危急關頭，人不為己，天誅地滅，辭職鬆人算啦，何況亞視又唔係一間備受尊重嘅百年老店，好似六朝元老鄺凱迎咁，依家幾輕鬆，簡直係走得快，好世界。
亞視係一間好奇怪嘅公司，股權結構唔清楚，股東之中冇人肯挺身而出負責任（起碼到目前為止未見到），究竟個免費電視牌照值唔值錢？股東要的是甚麼？是否佢地互相憎恨得咁緊要，堅決攬住一齊死？
政府亦好糊塗，對亞視束手無策，既唔敢停佢牌，又唔敢講會唔會繼續發牌俾亞視，勞工處放軟手腳，至去年年尾先至話控告亞視，究竟亞視嘅靠山係何方神聖，可以嚇住通訊管理局、勞工處以至更上層？按照梁振英批評香港電視王維基冇資格攞免費牌照嘅準則，亞視更加完全冇資格繼續經營，梁振英依家走咗去邊呀？
時至今日，亞視係「眾望所歸，冇得留低」，應該被政府勒令停牌，亞視股東過往多年管治不力，蝕清光關門，只係資本主義定律，不得怨天尤人。亞視幾百名員工失業，或令人心痛，但現在失業率咁低，大部份人換過另外一份工，亦屬尋常。拖拉落去，只會成為國際傳媒笑話。
明知蝕大本，過往仍然有人願意買入亞視股權，大概只有一個原因，就係過份抬高傳媒威力，一啲有錢人以前想見內地高高級官員幾乎係不可能，但做咗傳媒老闆後，高高官就會主動約見㖭，是以有錢人引以為喜，認為「相公厚我」，誰不知就因此種下「官媒勾結」嘅種子，到有事嘞，高高官打個電話俾有錢人：「唔該你地嘅總編輯禁咗呢段新聞得唔得……」咁就大鑊，有錢人為之面青，不知如何是好！強勢老闆咪打鑼咁吩咐埋，以後要支持官方路線，等有錢人攞荷蘭水蓋㖭。有此因由，傳媒零舍吸引別有懷抱之人，蝕本喎，當交應酬費啦！

左丁山

作者: panic_lau 時間: 2015-1-6 13:03
亞視班藝人, 或出面既歌星/明星又想出鏡出名的, 有廠有器材,有大氣電波, 可否搞個捐款節目出來自救出糧??

作者: learngood 時間: 2015-1-6 22:45

panic_lau 發表於 2015-1-6 13:03
亞視班藝人, 或出面既歌星/明星又想出鏡出名的, 有廠有器材,有大氣電波, 可否搞個捐款節目出來自救出糧?? ...

如果可以，你會捐幾多錢同埋捐幾多次？

作者: panic_lau 時間: 2015-1-7 13:14
如果佢搞我都會捐一百幾十捐一次掛, 畢竟年尾流流冇糧出係慘, 特別係供樓會,有老有細路果D. 不過法律上不知是否可行. 如可行我相信好多親中團體會支持, 你睇好人好事節目就知應該幾多人會支持的.

作者: learngood 時間: 2015-1-7 13:33

panic_lau 發表於 2015-1-7 13:14
如果佢搞我都會捐一百幾十捐一次掛, 畢竟年尾流流冇糧出係慘, 特別係供樓會,有老有細路果D. 不過法律上不知 ...

你咁要善心是一件好事，但是你有無想過如果呢壇野攪得成同好人好事有乜分別？
佢地明知無糧出都要做落去為乜？為左你救濟？

作者: panic_lau 時間: 2015-1-7 14:33
我冇諗, 諗佢地既動機對事情,對自己都沒好處.

作者: panic_lau 時間: 2015-1-22 11:06

作者: hkvcdso 時間: 2015-1-22 11:38
矛頭直指有頭有面的老闆、
1是出糧
2是清盤
3是承擔發律責任.................

作者: WGK 時間: 2015-1-22 14:18
重話黎招硬逼性借糧wo,真係笑死人，真係無文化....

作者: learngood 時間: 2015-1-22 23:58
本帖最後由 learngood 於 2015-1-23 00:43 編輯

班撚樣寧願淪落到做乞丐唔辭職

佢地係都要同全香港作對阻撚住地球轉

歡迎光臨天羅地網 (http://li1473-118.members.linode.com/)