天羅地網

標題: 命運？因果？福氣？想請教，這情況應該怎樣行孝？ [打印本頁]

作者: alendice 時間: 2014-10-27 00:27
標題: 命運？因果？福氣？想請教，這情況應該怎樣行孝？
以前公司個同事，本身好孝順阿媽，九唔九約返出嚟飲野，今日飲野傾開計，講到咁上下訴苦，原來佢有個咁既成長經歷：

佢本身係家族嫡孫，老豆係長子，佢祖母錫到同事窿，祖父從事殺生行業在市場買賣，後來太年老思考不靈活，將生意比仔女打理，雖不算富貴，但不缺錢財，佢話幼年十歲八歲時，因祖母把最好的給他，惹來姑輩妒忌，日日家嘈屋閉，而老豆二世祖性格，只吃喝玩樂，唔理生意，之後包二奶，生多幾件，令祖母非常痛心，而佢媽一氣之下帶呢個同事搬出住公屋，祖母暗中比錢養佢哋，佢媽知祖母好心但最後都出去做野靠自己，終日以淚洗面，之後祖母中風走左，兩母子去幫手辦身後事，比老豆報大數，呃左佢媽一筆，事出突然，祖母雖口頭上講會留東西比佢，之後分身家，但無遺囑，同事又未成年，被姑輩分晒，佢老豆又被班姑輩數佢唔理家業，分好少，但佢老豆繼續揮霍，結果個同事同佢媽只靠自己貧窮生活，仲曾經自閉，最初重陽清明有盡孝心去拜祖母，之後祖父也走了，同事也有送最後一程，但事後佢話班姑輩連拜都唔比佢拜，將祖父母合葬去第二度唔比佢知，佢媽索性離婚，雖然初時佢老豆有比膳養，但後來失業為由無比，經過多年，原來老豆同二奶正式結婚，將二奶仔列做嫡孫，同事就靠佢媽辛苦捱大佢，佢哋斷晒果邊親戚聯絡，個同事而家雖然事業穩定，但一諗起就唔開心，覺得自己三十歲人仲係咁平凡，買唔到樓比阿媽養老，成日覺得自己無機會拜祖父母，恨老豆。。。。

咁既情況，我都唔知點安慰佢，呢個我諗緊，係因為佢家業做屠夫為生既命運要佢去受，定係佢個人福氣問題，定係因果問題？同埋呢個情況，佢想拜祖父母拜唔到，孝母，但恨父，到底可以點幫佢？

作者: andylee 時間: 2014-10-27 00:37

有D野真係好難幫到, 不過, 我覺得人生在世, 健健康康有思想有智慧, 有份穩定工作已經不錯, 有些在戰亂地區的人更慘, 所以, 人比人比死人

我家也有精神病親人, 有時很多事自己控制不了, 只能做好自己能控制的

作者: alexwush 時間: 2014-10-27 07:08
家人無得㨂，呢d係前生嘅業力，後天有得㨂，唔使自怨自縊，積極向上，多做善事將功德迴向先人，可助人助已何樂而不為呢

作者: hkvcdso 時間: 2014-10-27 07:24
祝福文中有助他方法、
請送祝福文給他念、日子有功、必然自有新景象出現？

作者: 練無毒 時間: 2014-10-27 09:28
下次去開萬褔攞水，叫佢幫手去托返一pad走囉。

作者: chrisX9 時間: 2014-10-27 11:06
TO : alendice

叫閣下同事將自己目光從自身放眼世界，就會覺得自己渺小和世事無常！當心量擴大之後，心境就會豁然開朗！兩母子相依為命繼續生活下去，一切隨緣！

找朋有托詞查問親屬介紹長生店或喃嘸佬，佢有記錄一定知道你朋友祖父母安放地點，好人好事積陰德，一定話過你知架！連隨比返小小利是佢地就諸事大吉啦！

作者: schumannsiu 時間: 2014-10-27 12:28
To: alendice
介紹你以前公司同事上 Youtube 聽聽以下兩段影片, 睇吓幫唔幫到佢。

2013年10月1日國慶大放生郭兆明博士講解為何要放生
http://youtu.be/6NqTspGURZ0

郭兆明博士談拜山
http://youtu.be/6k003XPYX5g?list ... MVlhvsCPawhCS4VT27G

作者: alendice 時間: 2014-10-27 12:45
謝謝大家意見，講得啱，向前看，既然佢家族有殺生背景，希望下次有放生活動叫到佢join

作者: nmp 時間: 2014-10-27 13:52
本帖最後由 nmp 於 2014-10-27 17:41 編輯

家人無得㨂，呢d係前生嘅業力，後天有得㨂，唔使自怨自縊，積極向上，多做善事將功德迴向先人，可助人助已何樂而不為呢

認同你講珐

作者: Tonka 時間: 2014-10-27 16:16
一定要幫襯博士買多啲瑞士泉水。

作者: nmp 時間: 2014-10-27 17:04
你估郭博士果D係神仙水乜都得，你地有無睇祝福文內容？

作者: nmp 時間: 2014-10-27 17:28
本帖最後由 nmp 於 2014-10-27 17:33 編輯

1) 祝願世界和平，有識之士善用科技知識化解天災人禍。祝願所有中國同胞們在有生之年有殊勝的機緣福氣和能力參與支援祖國建設發展的事業，在生活上堅持科學興家、迷信毀業的理念，懂得與智者為伍，不會從本身已是沒有前途的人口中去尋求前途指引，更不會被虛妄揣測的運程書所誤導。
2) 祝願所有人都明白到他是不停地接受外力資源援助才能生存，懂得恒持感恩謙虛之愛心去幫助其他有需要的善良生命，不會是一個生活的旁觀者或議論者，而是一個具足識見和信念的實幹家。
3) 祝願所有人都明白到只有人類型態生命才具有發展事物和創造事物的功能，亦只有人類才具有分辦是非善惡和傳播知識的功能，希望所有人都能夠善用這些特殊功能去昇華自己的人格。更希望所有人多些利用笑聲給他人帶來歡樂，因為在動物生命中只有人類才懂得笑。
4) 祝願所有人都覺悟一切事物在時光旅程中都是不停地變幻無常，依緣起特性而示現於俗世空間的事物，終極真相都只是「無我性」的緣起幻相，故此在遇到任何順逆環境沖擊時都能夠覺悟到這就是世情的無常、無我真理，並有能力以冷靜的態度，無畏的勇氣去接受真相和保持心靈安穩度過。
5) 祝願所有人都明白自己生命本體就是神，過去哲學宗教家們描述的「神」只是大自然法則物理化學幻變的功能現象，任何個體生命活動都是自然法則「神」的本體能量示現。根據主觀推理去宣揚有神或無神觀點都是不完整的極端說法，人類唯有修習開啓潛藏的正觀智慧才可窺探到宇宙的實相，懂得運用中觀的慧力去解脫生老病死輪迴朿縛的苦惱。
6) 祝願所有人每天都有機緣修習心靈拓展和吸納到新的知識，樂於向他人的優點學習，懂得跟自己交朋友，具有藝術眼光去欣賞宇宙萬物，認識到不同文化的優點和缺點，無懼地演好在人生舞臺上扮演不同的角色，到了生命終點時仍可莞爾一笑地融會在大自然祖先祥和安寧的懷抱中，不受後有。

作者: superman 時間: 2014-10-27 18:00
社會上好有類似問题！
祝福你朋友，做任何事問心無愧就好了！

作者: 吳岩鷲 時間: 2014-10-27 18:00
喂，天葵，你想踼人褲檔?
又唔解畫?睇咩先?如果咁都得，下次我照板煮碗比你好無先?
我睇得起你，比篇法文你自己睇。

作者: nmp 時間: 2014-10-27 18:09

吳岩鷲發表於 2014-10-27 18:00
喂，天葵，你想踼人褲檔?
又唔解畫?睇咩先?如果咁都得，下次我照板煮碗比你好無先?
我睇得起你，比篇法文你 ...

我係鍾馗唔係天葵

作者: nmp 時間: 2014-10-27 18:15
自幼家貧少讀五經書，唔好玩我

作者: 吳岩鷲 時間: 2014-10-27 18:33
問天葵啦，佢肯定唸左有效，先叫人睇佢講果幾段。
唔係唔叫睇的。

作者: nmp 時間: 2014-10-27 18:42
祝福文吾係咒語係普通文字，只不過係講比Ｄ人人生百態知內容自我反醒醒世箴言

作者: nmp 時間: 2014-10-27 18:45
本帖最後由 nmp 於 2014-10-27 18:47 編輯

你日日對住塊鏡講我要堅強同自我催眠一樣

作者: 吳岩鷲 時間: 2014-10-27 18:47
吓，乜咁㗎詐，
天葵。你分晣得咁仔細。我都不得佩服你的才幹。

作者: hkvcdso 時間: 2014-10-27 21:53
alendice 請你要多謝網友：鍾馗唔係天葵
已在祝福文中紅字幾段寫出來、精要的對你朋友很有幫助的？

在生活上堅持科學興家、迷信毀業的理念，懂得與智者為伍，不會從本身已是沒有前途的人口中去尋求前途指引，更不會被虛妄揣測的運程書所誤導。

所有人都覺悟一切事物在時光旅程中都是不停地變幻無常，依緣起特性而示現於俗世空間的事物，終極真相都只是「無我性」的緣起幻相，故此在遇到任何順逆環境沖擊時都能夠覺悟到這就是世情的無常、無我真理，並有能力以冷靜的態度，無畏的勇氣去接受真相和保持心靈安穩度過。

認識到不同文化的優點和缺點，無懼地演好在人生舞臺上扮演不同的角色，到了生命終點時仍可莞爾一笑地融會在大自然祖先祥和安寧的懷抱中，不受後有。

作者: alendice 時間: 2014-10-28 13:18
小弟在此網資歷尚淺，未了解各網友之間關係，邊個意見都好，啱我fd 用可以幫佢解到心結既，我都希望試下，多謝各網友熱心既意見

歡迎光臨天羅地網 (http://li1473-118.members.linode.com/)