天羅地網

標題: 樽頸加死結 [打印本頁]

作者: erict 時間: 2017-3-25 05:52
標題: 樽頸加死結
　　假如胡官真的落空，目前只能二揀一。一個擺到明係2.0，你有你鬧，牌頭照舊；另一個三千萬BUDGET管六架快餐車，已經笑死人，仲未計博士講話條友退九千幾萬差餉比大業主，而家仲擺個五千人集會，連杜琪峰都傻到一齊叫陣，正正篤中大袋死穴。前有咩咩功圍京城，觸動大袋神經，正正就係大袋害怕及深知群眾的力量。呢班友天真到以為真係好似英美民主選舉一樣，可以叫陣，或者佢哋唔知道在某些環節，只能說，不能做。

　　既然一個係2.0，明知道如果一用佢，香港即刻死多二錢，一定有機會被國際評級機構再DOWN GRADE；用另一個薯片佬仲死，或者再加多二千億工程超支都唔定，仲要係篤中大袋死穴。真係希望果個一人一票揀胡官，不過早幾日有美國佬大使去北京，真係唔知咩事。

　　每逢事情到了樽頸，一下就好順暢通流；一下就爆樽飛濺，一地都係。七百萬市民又無份投票，呢期真係手上頭，只能做塘邊鶴，得個睇字。

http://hk.apple.nextmedia.com/news/first/20170325/19969598

歡迎光臨天羅地網 (http://li1473-118.members.linode.com/)