天羅地網

標題: 既然世間無常如果做到斷估無痛苦？ [打印本頁]

作者: yc_ray 時間: 2017-1-11 21:04
標題: 既然世間無常如果做到斷估無痛苦？
郭博士晚上好，博士常訓教我等別犯「斷估無痛苦」之過失；但世間無常。
既然無常則無有絕對之事，既無絕對。如何才算非斷估？？

學生雷宇成候教

作者: alexwush 時間: 2017-1-11 23:02
本帖最後由 alexwush 於 2017-1-11 23:10 編輯

你忘記還有因果法則嗎
此山有火，有煙故
睇度煙而話山有火，你話係唔係斷估

作者: chriswong 時間: 2017-1-12 00:07
可以觀看好戲推介的重整旗鼓，記者先生就是斷估無痛苦。

作者: 容燥兒 時間: 2017-1-12 00:18
Alexwush網友：

看到你的回覆，讓我想起了因明論中的其中一個例子了。

感謝分享。

作者: erict 時間: 2017-1-12 01:53

chriswong 發表於 2017-1-12 00:07
可以觀看好戲推介的重整旗鼓，記者先生就是斷估無痛苦。

　　我尋晚都有睇。其實可能有另一方法解決報社危機。
　　可以將錯就錯，因為當時Old Bob個仔最終決定唔係想打官司索償，而主編老總及記者都聞到個Old Bob個仔係為咗個名聲大過索償，例不如順勢而出，做另一個方案。
一，先對公眾認錯，是我疏忽之故。但我的疏忽絕不能閃縮，有錯就要認，打要企定。當你一認錯，肯企出嚟，相信公眾已消一半氣。
二，因為資料搜集來自心儀靚仔Josh果個妹妹仔，做人做事講道義，絕不能爆係個女仔幫手在私底下做資料搜尋，靚仔Josh自己一個食晒，皆因最後用唔用呢D資料，有無double check，都係Josh自己決定，Josh要負最大責任。
三，因為Josh昔日到這事件之前都係自欺欺人過日子。今天，因為這事，不止是假扮Old Bob的Tommy，Josh藉此事再次尋回自己，可以如實的報導Old Bob，可以藉呢次事件對自己賺一個救贖，堂堂正正做人。
四，因為當時電視台節目Show Time已向Josh招手，或可以順勢藉節目搞個另類Hall of Fame（名人堂）。例如：今晚在Bellagio拳館，係Mad Dog Jim對Jet Fist Davey，大家知否四十年前，曾經是阿里對科曼嘅世紀之戰等等，但當然資料搜集方面，呢次就要好認真核實喇。
五，因為有電視台及直播頻道，可以同個女主持人講，整個網絡版小報導或下周有另一拳賽，正是某某冠軍最後一站，亦可以玩當年今日，電視台遨請當年今日在台上比賽的拳手搞function，簽名會，賣帽等等。一來電視台有rating，二來拳賽門票貴過機票，可以吸引拳迷入場一睹昔日世界冠軍風采，賭場入住率又或會相對提高，賭兩手賭場又有收入，周邊交通及消費等等。

　　特別係第五點，不論是電視台，Josh，賭場門票收入，昔日拳壇猛將等等都有得益，皆大歡迎。因為Josh第一時間企出嚟認錯，原理上已找咗數，以media及人情處世角度，如果人哋認咗錯而你死追爛追叫找數，即係你無氣度。而如果電視台知道Josh犯錯後，又見佢肯認錯，呢種男人起碼係知恥近乎勇，而電視台及果個女主持當時也正藉用人之時，不妨比多一次機會佢。如果Josh又有明星相，鏡頭前表現又好，又高rating，在情理上，處世及商業角度，都或可以多給一次機會。又如果Josh用到以上第五點方法，一家便宜幾家著，大家happy，至係對自己心靈上及商業上最好的補鑊機會。

　　始終，記著人家的不是非常辛苦，給予對方一次機會改過，也可能係比自己多一次機會放下。而如果有另類將功補過，何樂而不為？人無完人，天天記著人家的不是之處，咁樣做人非常難頂，簡直係對自己過唔去，好難頂......（雖然我有時都做唔到，但仍努力去做，放下呢兩個字，筆劃少，但要做到，要過好多心理關口，盡力做便是......)

作者: yc_ray 時間: 2017-1-12 09:36

alexwush 發表於 2017-1-11 23:02
你忘記還有因果法則嗎
此山有火，有煙故
睇度煙而話山有火，你話係唔係斷估 ...

多謝 alexwush兄

作者: yc_ray 時間: 2017-1-12 09:36

chriswong 發表於 2017-1-12 00:07
可以觀看好戲推介的重整旗鼓，記者先生就是斷估無痛苦。

係咪呢出？
https://movie.douban.com/subject/1892504/

作者: chrisX9 時間: 2017-1-12 10:03
雷同學真係有心有力喎，值得小弟學習。

將無常與斷估和非斷估，挾硬黎講，這種粗疏表現，就係斷狗估啦～

如果上網查證無常定義，實事求是，這種嚴謹態度，就係非斷估啦～

作者: 容燥兒 時間: 2017-1-12 11:03
哈哈哈，

C9網友真係深入淺出，一針見血。

作者: chriswong 時間: 2017-1-12 15:06

yc_ray 發表於 2017-1-12 09:36
係咪呢出？
https://movie.douban.com/subject/1892504/

是的，就是這齣。
個人認知"無常"是形容物質世界的快速生滅，意指所有物質非永恆。
而物質與物質的相遇是靠因緣和合，正如ALEXWUSH網友所講。
再舉一簡單的例:
如到泰國旅遊，看見一位心儀的美女，憑感覺是位女性。
但當有知識知道泰國有很多人妖的時候，你就會加強觀察他/她是男或是女(博士所講的計數)。
這就是非斷估，運用智慧去分析、觀察和引證。
若貿然去交往，到最後說到談婚論嫁時兩位男性拿身分證去辦理結婚証時，就知道什麼叫斷估無辛苦了。

歡迎光臨天羅地網 (http://li1473-118.members.linode.com/)